好開心有人理我篇野，咁打下打下就打咗以下既野出黎:
我又覺得如果話《魔雪奇緣》無咗浸公主味就印銀紙好似太過簡單，《Let It Go》如果喺胡迪同巴斯一齊唱都未必有咁既效果，而且今次日本係全球第二高票房，所以我都唔知究竟話成功主因係松隆子有份唱歌定係因為兩個女主角夠哂靚女，「靚仔王子無好野」令到《魔雪奇緣》賺到笑。
事實上，《公主與青蛙》其實都好反傳統，劇情上唔再係美女與野獸，公主同隻青蛙咀完之後我地睇到既係兩隻青蛙跳跳下，人設上係完全唔吸引，仲有個發公主病既老死，寸爆班發公主夢既觀眾。另一套《魔法奇緣》又係想寸公主片呢個類型，迪迪尼由二千年開始好想好想創新，甚至整埋哂D極騎尼既人設。點知下一套《魔髮奇緣》又走番舊路，去番呢類大大眼既公主片，仲要收得。見到咁既情況，我唯一可以肯定既係，二千年後，CG動畫就嬴在起跑線上，手繪未開波就輸一半。而人設似乎就係主宰套戲成唔成功既另一個主要因素。我覺得夢工場進取既原因係因為只要套戲收得唔太差(唔需要大收) ，佢已經準備定拍續集。喺拍續集方面的確係夠哂進取。夢工場差極都仲有四五個品牌俾佢Fing，只要喺呢幾年間出多隻類似《史力加》咁既作品，又可以再戰十年。但夢工場近排既原創作品真係唔太吸引，有時都要好膚淺咁講句係樣既問題，生得似多啦A夢或多或少都令到香港大部份人卻步。
曾經睇過一條有關製作《Paperman》既短片，佢地都話寧願用3D扮2D，仲話有機會係CG動畫既一個新方向。同類型電影群抽就必有死傷，但問題係，假如上年出現既係六套手繪，又有無可能套套都賺錢呢? 又或者話依家個市場又容唔容許一年有六套手繪呢?點解製片商寧願同其他五套CG動畫私片，都唔願意出一套手繪? 背後個原因似乎都呼之欲出，《魔雪奇緣》既 Elsa 由一出世就命中注定會順眼過《公主與青蛙》入面既Tiana，就現時為止，CG動畫仲係比一般傳統手繪安全，
其實打咁多野都係想呃個like啫:
https://www.facebook.com/youtalkitalk/
沒有留言:
張貼留言